Bakı, 10 oktyabr, Xəzərİnfo, Cəmiyyət. “AtaTravel” MMC-nin  tur operatoru Rəvan Əhmədov və  “AtaHolding” Korporativ Kommunikasiyalar şöbəsinin rəisi  Dilara Zamanova oktyabrın 9-da baş tutan III “Prime Travel Market 2018”  tədbirində  iştirak ediblər. 

Xəzərİnfo xəbər verir ki, onlar xarici turizm  şirkətlərinin nümayəndələri ilə əməkdaşlığın möhkəmləndirilməsi və eyni zamanda  gələcək fəaliyyətin inkişafı üçün  təcrübə və fikir mübadiləsi aparıblar.

Tədbirdə Rusiya, Ukrayna, Qazaxıstan, Çexiya, Sloveniya, Belarus, İtaliya, İspaniya, İsveç, Almaniya, Hindistan, Meksika, Türkiyə, Yunanıstan, Birləşmiş Ərəb Əmirlikləri və Cənubi Afrika ölkələrindən xarici turizm şirkətlərinin nümayəndələri iştirak ediblər. Növbəti dəfə “Prime Travel Market”  tədbirinin keçirilməsi 2019-cu ilin mart ayında  planlaşdırılır.

Qeyd edək ki, tədbir “AtaTravel”  MMC  Prime Consulting şirkətinin təşkilatçılığı, Dövlət Turizm Agentliyi və Azərbaycan Turizm Assosiasiyasının  dəstəyi ilə keçirilir.

“AtaHolding” Şirkətlər Qrupunun turizm sektorunda “AtaTravel” MMC, “AtaTurizm” və “Excelsior Hotel & Spa Baku” oteli fəaliyyət göstərir.  2011-ci ildə təsis edilmiş  “AtaTravel”  turizm agentliyi dünyanın istənilən yerinə səyahət xidmətləri təklif edir. Şirkət  öz müştərilərini mehmanxana, uçuşlar, köçürmələr, əvvəlcədən sifariş, sığorta, viza ilə əlaqədar xidmətlərlər göstərir.

Ziya İKRAMLI