Valyuta.com



   



Bakı, 21 noyabr, Xəzərİnfo, İqtisadiyyat. Bu ilin yanvar-sentyabr aylarında “Şahdəniz” yatağından 8 milyard standart kubmetr təbii qaz və 1,8 milyon ton (təqribən 14,3 milyon barrel) kondensat hasil olunub.

“BP Azerbaijan” şirkətindən Xəzərİnfo-ya verilən məlumata görə, mövcud “Şahdəniz” qurğularının maksimum hasilat gücü hazırda gündəlik 43 milyon standart kubmetr və ya ildə təqribən 16 milyard kubmetrdir.

Üç rüb ərzində “Şahdəniz” yatağı Azərbaycan (SOCAR-a), Gürcüstan (“GOGC” şirkətinə) və Türkiyə (“Botaş” şirkətinə) bazarlarına və çoxsaylı obyektlər üçün BTC şirkətinə etibarlı şəkildə qaz çatdırılmasına davam edib.

Doqquz ayda “Şahdəniz” üzrə fəaliyyətlərə 418 milyon dollardan çox əməliyyat və təxminən 1,14 milyard dollar isə əsaslı xərclər sərf olunub. Əsaslı xərclərin böyük əksəriyyəti “Şahdəniz-2” layihəsinə aiddir.

“Şahdəniz”də iştirak payları belədir: BP (operator – 28,8 faiz), AzŞD (10 faiz), “SGC Upstream” (6,7 faiz), “Petronas” (15,5 faiz), “LUKoil” (10 faiz), “NICO” (10 faiz) və “TPAO” (19 faiz).

Ziya İKRAMLI




ŞƏRH YAZ


DİGƏR XƏBƏRLƏR

MAQAZİN XƏBƏRLƏRİ

Arxiv