Valyuta.com



   



Əliqismət Lalayev "Uşaq Avroviziya-2018” müsabiqəsinin təmsilçisinə uğurlar arzulayıb

 

Bakı, 19 oktyabr, XəzərİnfoTV, MədəniyyətAzərbaycanı "Uşaq Avroviziya-2018” yarışmasında təmsil edəcək Fidan Hüseynovanın "Sənin kimi olmaq" - "I wonna be like you" mahnısının klipi artıq müsabiqənın rəsmi "Youtube" səhifəsində, eləcə də, müxtəlif sosial şəbəkələrdə yayımlanıb.

XəzərİnfoTV xəbər verir ki, çoxsaylı izləyicilər tərəfindən maraqla qarşılanan bu mahnının klipinın bəzi kadrları Azərbaycan Dövlət Musiqili Teatrında çəkilib.

Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev XəzərİnfoTV-yə açıqlamasında, noyabrın 25-də Belarusun paytaxtı Minskdə "Uşaq Avroviziya-2018” yarışmasında 20 ölkə arasında Azərbaycanı təmsil edəcək balaca iştirakçıya uğurlar arzulayıb:

“Mən inanıram ki, Fidan bu yarışmada Azərbaycanın üç rəngli bayrağını zirvələrə ucaldacaq. Teatrda çəkilişlər zamanı onu gördüm. Çox istedadlı, şirin-şəkər baladır. Çəkiliş zamanı onu kənardan seyr edirdim – sərbəstdir, inadkardır. Ümidvaram ki, o, ifa etdiyi mahnının sözlərində bəhs olunan xəyali qəhrəmanına qovuşacaq, balaca çıyinlərinə götürdüyü böyük məsuliyyətin öhdəsindən asanlıqla gələcək, məqsədinə çatacaq və bizi də sevindirəcək”.  

Rita MURAD




ŞƏRH YAZ


DİGƏR XƏBƏRLƏR

    18.06.2019
  • 17.06.2019
  • 16.06.2019
  • 15.06.2019

MAQAZİN XƏBƏRLƏRİ

Arxiv